Det går mot lysare tider og voneleg mange flotte solskinnsdagar. Idrettslaget avsluttar vintertrim-konkurransen ved midnatt natt til 1.april og startar samstundes opp årets sommartrimsesong.

Manglar du poeng i vintertrimmen? Har du ein tur eller to att for å kunne vere med i trekninga av vinterens ekstrakonkurransar? Då må du få dette unnagjort seinast 1. påskedag. 

2.påskedag sveivar vi i gang sommartrimmen og håpar mange av dykk finn inspirasjon til å delta, i år som tidlegare år. Sommartrimmen sine ekstrakonkurransar vert denne sesongen som fylgjer;

0-6 år: Minimum ein tur på fylgjande postar: Dingeneset, Øykjegardsfossen, Langemyrane, Gulakvila og    Verpetuppen.

1.-10.klasse: Minimum ein tur på fylgjande postar: Stemma(Nordgulen), Dingeneset, Nordgulkletten,        Gulakvila og Stormyra.

Eliteklassen: Minimum ein tur på fylgjande postar: Kvitebergnova, Vatnestølen, Nordgulkletten,                  Svabergfjellet og Kistefjellet.

Open klasse: 10 turar på Gulakvila og 10 turar på Rimmane.

Vinnaren av kvar klasse får eit gåvekort hjå XXL på kr 1000.