Frisbeegolf-bana langs turstien mellom Øvre stølen og Solleibotn vart ferdigstilt i fjor. I den samanheng vart det og gjort eit ganske omfattande ryddearbeid i og rundt bana. 

Det gjenstod likevel fortsatt ein god del kratt og småskog, noko vi no har fått uvurderleg hjelp til å rydde unna.

Eit arbeidslag beståande av Kåre Tveit, Erling Fivelsdal, Martin Næss og Anne Karin Derås Haveland nytta opphaldsver og vårliknande temperaturar til å fullføre ryddinga denne veka. Bana er dermed klargjort til årets sesong!